Bu ay yığım48 320 ₼↑ 12%
Sakinlər1 246↑ 38
Açıq müraciət173 təcili
İllik ödəniş statistikası2026
Blok A · Mənzil 42Ödənilib
Blok C · Mənzil 17Borc: 64 ₼
e-resident MTK və yaşayış kompleksləri üçün hazırlanmış ağıllı idarəetmə sistemidir. Sakinlər, hesablar və ödənişlər, parkinq, müraciətlər və komendant təsdiqləri — hamısı bir tətbiqdə.
Bütün rəqəmlər komendantın və sakinlərin daxil etdiyi real məlumatdan hesablanır — heç bir hazır, şablon rəqəm yoxdur.
Aylıq hesab tariflərə görə avtomatik yazılır: xidmət haqqı və təmir fondu m²-yə, lift və parkinq yerinə görə. Sakin borcunu görür və ödənişini bildirir, komendant təsdiqləyəndə borc bağlanır.
Komendant mənzilləri və sakinləri əlavə edir. Yeni nömrə ilə daxil olan sakin qeydiyyat sorğusu göndərir, komendant təsdiqləyir. Ailə üzvü və kirayəçi də təsdiqlə qoşulur.
Yeni avtomobil, ailə üzvü, ödənişli zal rezervi, gecələyən qonaq, şübhəli sayğac göstəricisi və köçmə/təmir icazəsi bir növbədə. Bir toxunuşla təsdiq və ya səbəblə rədd.
Santexnika, elektrik, lift və digər müraciətlər. Komendant icraçı təyin edir, statusu dəyişir, sakin hər addımda bildiriş alır və işi qiymətləndirir.
Bütün binaya, bir bloka və ya yalnız borclulara elan. MTK qərarları üçün səsvermə: hər mənzil bir səs, nəticələr açıq.
Komendant xərcləri qeyd edir, sakinlər yığılan pulun hara getdiyini aylar üzrə görür. Hesabatlarda gəlir, xərc və xidmətlər üzrə bölgü.
İdman zalı, toplantı zalı, BBQ, uşaq otağı rezervi. Təmizlik, usta, su sifarişi — komendant təsdiqləyir və icranı qeyd edir.
Resepsiyaya gələn bağlama haqqında sakinə dərhal bildiriş və götürmə kodu. Sayğac göstəriciləri tətbiqdən, şübhəli rəqəm komendanta gedir.
112, qaz və işıq qəzası, komendantlıq və mühafizə nömrələri bir ekranda. Hər hadisədə həm sakinə, həm komendanta bildiriş.
Sakin avtomobilləri dayanmadan daxil olur, qonaq girişləri isə kompleks üçün əlavə gəlir mənbəyinə çevrilir.
Dövlət nömrəsini saniyələr içində oxuyur və icazəni yoxlayır.
Sakin qonağı dəvət edir, QR kartı WhatsApp ilə göndərir. Tarif komendant tərəfindən təyin olunur, haqq mənzilin hesabına yazılır.
Mövcud şlaqbaum və turniketlərlə uyğunlaşma.
Boş yerlərdən səmərəli istifadə ilə kompleksin büdcəsinə töhfə.
Texniki bilik tələb olunmur — qurulumu komandamız sizin yerinizə edir.
Formu doldurun, komandamız sizinlə əlaqə saxlayıb ehtiyaclarınızı müəyyən etsin.
Mənzil, sakin və borc məlumatlarınızı sistemə biz yükləyirik.
Panel və mobil tətbiq istifadəyə hazırdır — sakinlər dərhal qoşulur.
Sakin məlumat əlavə edir, komendant dərhal bildiriş alır və qərar verir. Qərar barədə sakinə avtomatik bildiriş gedir.
Məsələn, yeni avtomobil əlavə edir və ya ödənişini bildirir. Tətbiq əvvəlcədən xəbərdar edir ki, bu addım təsdiq tələb edir.
Panelin yuxarısında "N sorğu təsdiq gözləyir". Qara siyahıdakı nömrə və ya şübhəli göstərici qırmızı ilə işarələnir.
Təsdiqlə — nömrə şlaqbaumda tanınır, borc bağlanır, rezerv qüvvəyə minir. Rədd et — sakin səbəbi görür.
iOS və Android tətbiqində iki rol var. Sakin öz mənzilini, komendant isə bütün kompleksi idarə edir.
Ödənişlər, sakin məlumatları, müraciətlər, parkinq və hesabatlar ayrı-ayrı dəftər və cədvəllərdə deyil, vahid platformada idarə olunur. Bu, vaxta qənaət edir və şəffaflığı artırır.
Mənzil və sakinlərin əlavə edilməsi, tariflər və aylıq hesab, ödənişlərin və nağd ödənişin təsdiqi, əlavə hesab, xərclər və hesabatlar, müraciətlər və icraçı təyini, elan və səsvermə, bağlamalar, xidmət sifarişləri və bütün təsdiq sorğuları.
Binaya və parkinqə giriş verən, pul və ya ortaq əraziyə aid dəyişikliklər (yeni avtomobil, ailə üzvü, ödəniş, ödənişli zal, uzun qonaq, köçmə və təmir) komendant baxmadan qüvvəyə minmir. Hər sorğu barədə komendanta, qərar barədə isə sakinə bildiriş gedir.
LPR kameralar avtomobil nömrəsini oxuyur, sistem komendantın təsdiqlədiyi nömrələr və qonaq keçidləri ilə yoxlayır və şlaqbaum açılır. Qara siyahıdakı nömrəyə giriş bağlıdır. Kamera və şlaqbaum inteqrasiyası quraşdırma zamanı qoşulur.
Bank inteqrasiyası qoşulana qədər sakin MTK-nın hesabına ödədikdən sonra tətbiqdə ödənişini bildirir, komendant pulun daxil olduğunu təsdiqləyir və borc bağlanır. Nağd ödənişi komendant özü qeyd edir. Bank qoşulandan sonra kartla birbaşa ödəniş aktiv olacaq.
Xeyr. İnterfeys sadədir, qurulum və təlimi isə komandamız təmin edir.
Aşağıdakı formu doldurun — komandamız sizinlə əlaqə saxlayacaq, hesabınızı yaradacaq və məlumatlarınızı köçürəcək.
Formu doldurun — mesaj WhatsApp-da hazır açılacaq, sizə tezliklə cavab verəcəyik.
Demo, qiymət və ya inteqrasiya ilə bağlı bizimlə əlaqə saxlayın.
E-poçtinfo@e-resident.az Telefon+994 50 805 73 73 WhatsApp+994 50 805 73 73 ÜnvanCaspian Plaza, 12-ci mərtəbə, ofis 1204